Dy persona janë arrestuar nga policia e Shkodrës dhe një tjetër është shpallur në kërkim, pasi mashtronin me shitjen e apartamenteve.
Uniformat blu kanë bërë të ditur se të ndaluarit janë Rapush dhe Vjollca Hoxholli, përkatësisht 75 vjeç dhe 56 vjeçe. Të dy këta nga sa bëhet e ditur se me anë të mashtrimit kanë shitur disa herë personave të ndryshëm apartamente banimi. “Ndalimi i tyre u bë pasi Gjykata e Rrethit Gjyqësor Shkodër, me Vendim nr.460 datë 07.05.2018, ka caktuar masën, “Arrest me burg”, pasi dyshohen se me anë të mashtrimit kanë shitur disa herë personave të ndryshëm apartamente banimi.
Gjithashtu u bë shpallja në kërkim i shtetasit D. L. 28 vjeç, banues në Tiranë, pasi dyshohet të ketë bashkëpunuar me shtetasit e lartëpermendur”, sqaron policia.
Hoxholli ka qenë i dënuar edhe më parë në Shkallën e Parë me 10 vjet burg, por vendimi u prish në Apel, ndërsa prokuroria çoi dosjen për rekurs në Gjykatën e Lartë.
Edhe bashkëshortja e tij është arrestuar në shtator të vitit të shkuar, sërish nën akuzën e mashtrimit, pasi ajo është administratorja e firmës së ndërtimit.
Rapush Hoxholli n vitin 2016 mashtroi një qytetar në Kashar duke i marrë 45 mijë euro për ti shitur një apartament.
