Një vajzë rreth 20 vjeç u sulmua sot me acid në një autobus në Londër.
Emri i 20-vjeçares nuk është bërë i ditur, por nga raportimet mësohet se është sulmuar me një substancë gërryese në një autobus afër stacionit të trenit në Brixton.
Policia është duke e kërkuar personin që besohet të ketë kryer sulmin që kishte “në shënjestër” vajzën.
Pronari i një dyqani ka thënë për HuffPost UK se vajza u largua nga autobusi duke bërtitur ‘’sulm me acid’’ dhe hyri në një dyqan. Ajo kishte marr një shishe me ujë nga frigoriferi për ta derdhur në fytyrë. Ajo u dërgua në spital dhe nuk është në rrezik për jetë.
