Bizneset që përdorin inteligjencën artificiale të gjeneratës së fundit kanë një nevojë të papritur: inteligjencën e vërtetë njerëzore.
Kompanitë që përdorin me sukses mjete moderne krijuese të inteligjencës artificiale, të tilla si Copilot i Microsoft, Salesforce’s Agentforce, ose aplikacione të tjera të ofruara nga një mori start-up reja, zbulojnë se, për të qenë në gjendje të përdorin me të vërtetë inteligjencë artificiale, ata shpesh duhet të organizojnë të dhënat e tyre në një mënyrë ndryshe nga më parë.
“The Wall Street Journal”, në një artikull trajton nevojën e ndërmarrjeve për të pasur inteligjencë njerëzore për të shfrytëzuar plotësisht mjetet e avancuara të inteligjencës artificiale (AI).
Për të përfituar nga këto mjete, kompanitë duhet të organizojnë dhe përditësojnë vazhdimisht të dhënat e tyre, gjë që kërkon punë njerëzore. Kjo situatë krijon vende të reja pune, veçanërisht në fushat e shkrimit, redaktimit dhe organizimit të informacionit për përdorim nga sistemet e inteligjencës artificiale.
Për shembull, kompania BACA Systems ka krijuar një bazë njohurish për të përmirësuar shërbimin ndaj klientit, duke ndarë manualet e përdorimit në seksione më të vogla për t’i bërë ato më të aksesueshme për sistemet AI.
BACA Systems, ndërton robotë industrialë. Andrew Russo, kreu i departamentit të IT të kompanisë, thotë se kur roboti i një klienti prishet, “koha që kalon është jetike”. Për të reduktuar kohën e kaluar nga momenti kur klienti raporton problemin derisa ai të marrë një zgjidhje, BACA po punon në një chatbot për shërbimin ndaj klientit të bazuar në një platformë të inteligjencës artificiale Salesforce.
Gjithashtu, artikulli përmend konkurrencën midis platformave AI të Salesforce dhe Microsoft, duke theksuar rëndësinë e të dhënave të pa strukturuara në suksesin e këtyre sistemeve.
Me fjalë të tjera, inteligjenca artificiale është komercializuar. Në fund të fundit, shumë biznese zgjedhin të përdorin sistemin AI të ofruar nga kompania me të cilën ata tashmë bashkëpunojnë për ruajtjen e të dhënave. Pa dyshim, shumë biznese zgjedhin inteligjencën artificiale të Microsoft, duke pasur parasysh dominimin e saj në treg.
