Ermir Rashica është një nga lojtarët më të spikatur në kampionatit shqiptar këtë sezon. Sulmuesi i Skënderbeut, numëron gjashtë gola të shënuar deri tani, ndonëse skuadra korçare renditet në vendin e fundit.
Me formën e treguar, Rashica ka tërhequr vëmendjen e disa klubeve. Ndër to është edhe AIK në Suedi, që e ndjek lojtarin prej kohësh.
Sipas asaj që raportohet nga mediat suedeze, drejtuesit e klubit të AIK-ut e kanë sulmuesin e Shqipërisë U-21 në listën e dëshirave dhe do të provojnë ta afrojnë në merkaton e dimrit.
Një largim i Rashicës, do të dobësonte më tepër Skënderbeun, që këtë sezon po has probleme të mëdha dhe rrezikojnë rënien.
Ermir Rashica spikati edhe sezonin e kaluar në Kategorinë Superiore, i cili ishte i pari për të në Shqipëri. Por pavarësisht interesim të madh për të gjatë verës nga ekipet e huaja, Skënderbeu vendosi ta mbante edhe për një tjetër sezon për shkak të kontratës afat-gjate që kishte me klubin korçar.
