Një kalimtare ka mbetur e plagosur si pasojë e një aksidenti të ndodhur mëngjesin e sotëm.
Në lagjen “Kongresi” Elbasan, 22-vjeçari A.T., banues në Hajdaraj, duke drejtuar mjetin tip “Volkswagen” me targa AA 169 EV, ka aksidentuar këmbësoren A.P., 73 vjeçe, banuese në lagjen “Beqir Dardha”, Elbasan.
E aksidentuara si pasojë e dëmtimeve të marra, ndodhet në spitalin e Elbasanit, nën kujdesin e mjekëve.
Sakaq drejtuesi i mjetit është shoqëruar në komisariat për veprime të mëtejshme. Paraprakisht dyshohet se shtetasja A.P., i ka ndërprerë rrugën në mënyrë të menjëhershme automjetit.
Aktualisht grupi hetimor po punon për zbardhjen e plotë të rrethanave të ngjarjes.
