Muzeu i artit “Palais de Tokyo” është bërë i pari muze i Parisit që lejon nudistët që ta vizitojnë.
Ky muze organizoi për herë të parë në kryeqytetin francez një tur për artdashësit që kanë “alergji” rrobat.
Julien Claude-Penegry, drejtor i komunikimit i Shoqatës së Natyristëve Parizienë, tha se tabuja është thyer tashmë: “Mënyra e jetesës së natyristëve është qëndrimi zhveshur. Kultura është pjesë e jetës sonë të përditshme dhe kjo ishte një mundësi e veçantë për ne”.
Sipas Shoqatës së Natyristëve Parizienë, në kryeqytetin francez ka 88 000 persona që pëlqejnë të qëndrojnë zhveshur, ndërsa në gjithë Francën ky numër shkon në 2,6 milionë.
