Ditë historike e ka cilësuar kryeministri i Izraelit, Benjamin Netanyahu, rënien e Assadit. Teksa ka folur gjatë një vizite në lartësitë e Golanit të pushtuar nga Izraeli, Netanyahu ka thënë se rrëzimi i Bashar al-Assadit në Siri ishte historike në Lindjen e Mesme dhe rënia e një lidhjeje qendrore në boshtin e së keqes të Iranit.
Gjithashtu, ai ka paralajmëruar kundër “kërcënimeve të mundshme”.
“Ky është një rezultat i drejtpërdrejtë i goditjeve që i kemi shkaktuar Iranit dhe Hezbollahut, mbështetësve kryesorë të Assadit. Kjo ka shkaktuar një reaksion zinxhir në të gjithë Lindjen e Mesme, duke fuqizuar ata që kërkojnë të çlirohen nga ky regjim shtypës”, ka thënë Netanyahu.
