U luajtën pasditen e sotme 5 prej ndeshjeve të javës së 36-të të Serie A.
Sapo kanë përfunduar këto takime, ku Napoli duket se përfundimisht e ka dorëzuar titullin kampion.
Në “San Paolo” skuadra e Elseid Hysajt barazon 2-2 me Torinon, rezultat ky që i shkon për shtat Juventusit që tashmë është 6 pikë para.
Kur duhen vetëm 2 ndeshje për t’u luajtur, bardhezinjtë vetëm matematikisht nuk janë kampion.
Në ndeshjet e tjera, Lazio e Atalanta barazuan 1-1, duke i prishur punë njëra-tjetrës për objektivat që kanë, ndërsa fitojnë Chievo, Fiorentina dhe SPAL.
Në tabelën e mëposhtme mund të shihni rezultatet e ndeshjeve të sotme të Serie A.
