Belgjika bëri histori të dielën si vendi i parë në botë që lejon punonjëset e seksit të nënshkruajnë kontrata formale pune, duke u dhënë atyre akses për pagesën e lejes së lindjes dhe pensionin.
Ligji i ri garanton gjithashtu të drejtat themelore për punonjësit e seksit, duke përfshirë aftësinë për të refuzuar klientët, për të vendosur kushtet e një akti dhe për të ndaluar një akt në çdo moment.
Ligjvënësit miratuan ligjin në maj, por ai zyrtarisht hyri në fuqi të dielën.
Pagesa për shërbime seksuale nuk ishte e paligjshme në Belgjikë. Në vend të kësaj, ligji rëndonte vetëm mbi shtëpitë publike dhe palët e treta që e mbështesnin.
Ligji i ri shkon më tej, dhe u jep punonjësve të seksi mbrojtje të barabartë me ato të profesioneve të tjera.
Punëdhënësve u kërkohet tani të marrin autorizim dhe të plotësojnë disa kërkesa, të tilla si të mos kenë dënime të mëparshme për sulme seksuale, trafikim njerëzor ose mashtrim.
Atyre u kërkohet gjithashtu të sigurohen që ambientet e tyre të jenë të pastra të pajisura me një buton paniku, si dhe u ndalohet të pushojnë nga puna një punonjës që refuzon një klient ose një akt specifik.
Këto mbrojtje u jepen vetëm punonjësve të seksit që nënshkruajnë një kontratë pune, dhe jo atyre që janë të vetëpunësuar.
Ata që kryejnë pornografi ose striptizë, gjithashtu, nuk mbulohen nga ligji.
Prostitucioni është dekriminalizuar vetëm në një pjesë të vogël të vendeve në mbarë botën, duke përfshirë Zelandën e Re, Holandën dhe disa pjesë të Australisë, por Belgjika është e vetmja në ofrimin e nivelit të ri të mbrojtjes gjithëpërfshirëse.
Në SHBA, Nevada është i vetmi shtet ku lejohen shtëpitë publike, por prostitucioni jashtë tyre mbetet i paligjshëm.
