Një vrasje mafioze ka ndodhur pasditen e kësaj të diele në një lokal në Ndroq, ku mësohet se është ekzekutuar me armë shtetasi i identifikuar si Alfred Dedja.
Ndërkaq policia njoftoi se tashmë ka përpiluar të dhënat e tij dhe janë vënë në ndjekje të autorit të këtij ekzekutimi.
Burime bëjnë me dije se autori i vrasjes së Dedjas është i moshës 26 vjeç, dhe i identifikuar si shtetasi Julian Gjoshi.
Mësohet se mjeti që ai ka përdorur për t’u larguar nga vendngjarja ku kreu ekzekutimin e 50-vjeçarit, është një model “Mercedes- Benz” i tipit fuoristradë e llojit “ML”
Burimet të “Ora News”, raporton se Julian Gjoshi është një person me rekorde kriminale, dhe dyshohet ai figuron edhe në përgjimet e aplikacionit famëkeq “Sky ECC”, ky ku dyshohet se favorizohet për lirimin e tij nga burgu vite më parë, pasi është një shtetas i arrestuar për armëmbajtje pa leje.
Sipas burimeve ngjarja ka ndodhur në një lokal ku viktima ka qenë duke pirë kafe. Një person është afruar nga jashtë, ka hyrë brenda dhe ka qëlluar mbi viktimën.
Më pas autori me mjetin e tij ka marrë rrugën për nga Shijaku.
