Një bombol gazi ka shpërthyer në një banesë në Bulqizë. Ngjarja u regjistrua në katin e pesë të një pallati, në familjen e Drita Veshit. Bombola kishte qenë në tualetin e shtëpisë gjatë kohës që kishte shpërthyer, fatmirësisht askush nuk mbeti i lënduar.
Gazetari Enver Doçi raporton për ‘BalkanËeb’ se kryefamiljarja jetonte bashkë me dy fëmijët në banesë, ndërkohë që gjatë momentit të shpërthimit ajo ka qenë në kuzhinë. Familjarët kanë arritur të dalin në kohë nga banesë, ndërsa dëmet kanë qenë të konsiderueshme. E vetmja që ka mundur t’i shpëtojë flakëve ka qenë dhoma e gjumit, ndërsa pajisjet e tjera janë djegur. “Familja ime është e traumatizuar dhe dëmi ekonomik është shumë i madh”, tha Drita Veshi.
Ndërkohë për të përcaktuar vlerën e dëmit të shkaktuar, në banesë kanë shkuar përfaqësues të emergjencave civile në Bashkinë Bulqizë.
