Të gjithë lojtarët e Dinamos kanë munguar në ndonjë ndeshje për dëmtim ose skualifikim, apo dhe janë zëvendësuar nga trajneri.
I vetmi te kryeqytetasit që nuk ka humbur asnjë sekondë në 13 javët e deritanishme të kampionatit është braziliani Lorran. Mëngjarashi 28-vjeçar dallohet për lojën e tij konstante që në momentin që i është bashkuar Dinamos.
Ai është një titullar fiks dhe deri tani numëron 1170 minuta të plota. Lorran është aktivizuar edhe në mesfushë për nevoja të skuadrës, por së fundi trajneri Daja nuk e ka lëvizur nga krahu i majtë, madje në derbin me Partizanin loja u mbështet kryesisht tek ai.
Braziliani depërtoi disa herë në zonën kundërshtare, por në asnjë nga ato raste blutë nuk mundën të realizonin gol.
Mbrojtësi është gjithashtu edhe një lojtar tepër korrekt, që merr pak kartonë. Sa i takon aktivizimit, pas Lorran te Dinamo vijnë lojtarë si Meksi, Zabërgja dhe Mandela.
