Vullkani ne malin Kilauea ka shpërthyer në afërsi të një zone të banuar në ishullin më të madh të Hauait, duke bërë që të shpallet gjendja e emergjencës dhe të evakuohen me detyrim 1700 banorët lokalë. Një dëshmitar tha se llava derdhej përgjatë një rruge si një zinxhir zjarri. Ai tha se mund të nuhatej sulfuri dhe pemët që digjeshin.
Kryqi i Kuq Amerikan ka hapur ndërkohë një qendër për pritjen e të evakuuarve. Shpërthimi pason një seri tërmetesh të fuqishme ditët e fundit. Një krater vullkanik, i njohur si Puu Oo, u shemb më herët këtë vit, duke derdhur llavë poshtë faqeve të malit e drejt zonave të populluara më pas. Guvernatori i Hauait, David Ige, thotë se ai ka aktivizuar rezervat e ushtrisë nga roja kombëtare për të ndihmuar në evakuimin e mijëra njerëzve.
Pamjet nga dronët ndërkohë tregonin llavën që rridhte nga një e carë në një lagje të banuar dhe teksa derdhej nëpër rrugët e saj.
