Kryetarja e Komisionit Hetimor për Koncesionet në Shëndetësi Albana Vokshi hodhi akuza ndaj deputetëve të PS, ku tha se ne skenar të përgatitur sollën ish-ministrin Ilir Beqaj me pranga në duar për të bërë show.
Sipas Vokshit, një gjë e tillë bëhet për të mos thirret në Komision kryeministri Edi Rama dhe Vilma Nushi.
Më tej, deputetja demokrate theksoi se socialistëve nuk iu intereson zbardha e kësaj afere.
“Është krejt e lexueshme lëvizja juaj, e nxorët me pranga në duar vetëm për të bërë shoë, ndërkohë që ju nuk doni ta vijoni, nuk doni të merrni dëshminë, doni të fshini vjedhjet. S’doni të lëmë kohë të thirret Vilma Nushi e Edi Rama. Kjo është skenar i përgatitur, mendova se s’do arrinit deri aty sa ta sillnit me pranga në duar, të bënit shoë. E keni futur në ngërç, nuk u intereson zbardhja e kësaj, u intereson të fshihni pagesat për analiza të pakryera, për sete që duhet të kushtonin 4 euro dhe kushtojnë 400 euro. Dua t’u bëj thirrje lëreni të bëjë deklaratën paraprake, të na vërë në dispozicion prezantimin që Beqaj ka, të bëjë deklaratë kontenstuale dhe koncize që unë të vijoj me pyetjet e mia. Deklaratë jo prezantim, nuk është më i mirë se të tjerët. Lejojeni të bëjë deklaratën paraprake dhe të vijojmë me pyetje. Nëse ju i keni vënë qëllim vetes të mos e lejoni është tjetër gjë. I kam thënë lexoje”, tha Vokshi.
