Ylli i Barcelona Lionel Messi ndodhet në situatën e tij më të keqe golashënuese në pesë vjet, ku deri tani numëron 4 ndeshje pa shënuar për katalanasit. Hera e tij e fundit kur ka shënuar është para 362 minutash në të gjitha kompeticionet, ecuria e tij më negative që në prill dhe maj të 2011.
Fituesi i pesë ‘Topave të Artë’ ka luajtur një rol thelbësor për Barcelonën që prej debutimit të tij në 2004 dhe është pranë shënimit të golit të tij të 500 në karrierë. Pasi nuk arriti të shënojë në barazimin 2-2 ndaj Villareal përpara miqësoreve ndërkombëtare.
Real Madrid më pas u tregoi vendin katalanasve, dhe Blaugrana u fundosën edhe më tej të shtunën mbrëma në një disfatë shokuese 1-0 ndaj Real Sociedad, duke e çuar në 3 numrin e ndeshjeve të pafituara radhazi prej tyre gjatë këtij sezoni. Messi gjithashtu mbeti thatë në Champions League, ku nuk arriti të shënojë në fitoren 2-1 ndaj Atletico Madrid. Teksa Messi vuan personalisht, problemet e ekipit i kanë dhënë mundësinë dy ekipeve madrilene të zgjojnë shpresat e të luftojnë për titull, të cilët janë 3 dhe 4 pikë larg kryesuesve.
