Kryeministri i Shqipërisë, Edi Rama, është shprehur sonte në “Opinion” se dorëheqja e ish-ministrit Tahiri ishte një akt dinjitoz, ndërsa theksoi se nuk gjykon asgjë për atë se çfarë thuhet në lidhje me rastin, pasi është një rast që i takon Saimir Tahirit dhe drejtësisë.
Ai pohoi se nuk kishte dijeni për këtë veprim të ish-ministrit të tij.
“Akt dinjitoz, në kujtesën time për herë të parë në historinë e Shqipërisë. I respektueshëm plotësisht. Nuk gjykoj asnjë nga ato që thuhen në këtë rast. Jam shprehur qartë këtu e gjashtë muaj më parë, sa i takon Tahirit dhe drejtësisë. A ia kërkova unë? Besoj është humbje kohe që të merremi me llafet e kazanit politik dhe mediatik, është një akt që flet vetë. Nuk kisha dijeni dhe nuk ia kam kërkuar unë”, u shpreh Rama.
