Shkrimtari dhe analisti i njohur Ilir Demalia ka sqaruar keqkuptimin që lindi pas largimit të tij në mes të emisionit “360 gradë”, të enjten e kaluar.
Në një reagim ai ka treguar pse mori atë vendim dhe shton se keqkuptimi është bërë i zakonshëm në Shqipëri.
“Dua të sqaroj diçka në lidhje me emisionin e fundit se po lexoja nëpër gazeta që kanë shkruar se unë kam thënë “Artur Zheji paguhet për t’u tallur me shqiptarët etj etj…” Ky keqinterpretim i fjalëve është bërë i zakonshëm tashmë në Shqipëri… Dua t’i bëj të qartë kujtdo që unë vij në respektin tënd, për një njohje të vjetër që fëmijë, për atë karrierën tënde dhe për atë çka kemi mësuar edhe prej teje megjithëse unë jam më i madh se ty… ajo gazetë më ofendoi mua në rradhë të parë”, theksoi Demalia në emisionin e së martës.
Pjesë nga biseda në studion e “360 gradë”:
DEMALIA: Dua të sqaroj diçka në lidhje me emisionin e fundit se po lexoja nëpër gazeta që kanë shkruar se unë kam thënë “Artur Zheji paguhet për tu tallur me shqiptarët etj etj…” Ky interpretim i fjalëve është bërë i zakonshëm tashmë në Shqipëri…
ZHEJI: E ke fjalën për nervozizmin që patët në emisionin e kaluar me disa të ftuar këtu ditën e enjte?
DEMALIA: Po, po…
ZHEJI: Jemi mësuar me këto Demalia…
DEMALIA: Dua ti bëj të qartë kujtdo që unë vij në respektin tënd, për një njohje të vjetër që fëmijë, për atë karrierën tënde dhe për atë çka kemi mësuar edhe prej teje megjithëse unë jam më i madh se ty…
