“Leao është një lojtar me cilësi të mëdha, por pak dembel. Përtacia duhet luftuar prej tij, nëse do të bëhet kampion i vërtetë. Nëse qëndron kështu, ai mbetet futbollist i paplotë”.
Fabio Capello i dërgon një mesazh të qartë sulmuesit portugez të Milanit, i cili po kalon një moment të vështirë. Për garën e titullit në Serie A, ish-trajneri i njohur shtoi:
“Gjithmonë kam thënë Interi, nuk e ndryshoj prognozën time, por Napoli do të jetë një kundërshtar i vështirë për t’u mposhtur. Atje shoh një grup tepër solid, një trajner i shkëlqyer me lojtarë të shkëlqyer, që kanë gjetur sërish dëshirën e madhe për të fituar”.
