Një 17-vjeçar nga Teksasi në Shtetet e Bashkuara të Amerikës u arrestua nga policia pasi dyshohet se po përgatiste sulm terrorist. Sipas mediave amerikane, 17-vjeçari ishte frymëzuar nga organizata terroriste e Shtetit Islamik dhe planifikonte të sulmonte një qendër tregtare.
FBI dhe policia lokale thanë se gjimnazisti ishte duke kërkuar për të rekrutuar persona të tjerë dhe synonte që sulmin ta realizonte në mes të muajit Maj.
Ai kishte shkruar edhe një tekst të titulluar “Mesazh për Amerikën”, në të cilën arsyetonte dhe shpjegonte veprimet e tij. Adoleshenti amerikan tashmë mbahet në paraburgim dhe është caktuar një garanci 3 milionë Dollarë për lirinë e tij.
