Rey Manaj duket se ka gjetur sërish formën e sezonit të kaluar, teksa ka arritur të gjejë rrugën e rrjetës në ndeshjen e tretë radhazi me fanellën e Sivaspor në kampionatin turk.
Në mbrëmjen e sotme, sulmuesi shqiptar mposhti portierin me një gjuajtje të saktë brenda zonës, në minutën e 66-të, në duelin ndaj Adana Demirspor. Goli i Manajt solli përmbysjen e madhe nga 2-0 në 2-4 për Sivasporin.
Ky ishte goli i katërt në 7 ndeshje për Manajn, teksa 27-vjeçari më herët realizoi dopietë ndaj Hatayspor dhe gol me shumë peshë ndaj Gaziantep.
Sivasspor momenatlisht ndodhet në vendin e 7 në tabelën e renditjes të kampionatit turk me 14 pikë të grumbulluara.
⚽️GOAL | Adana Demirspor 2-3 Sivasspor | Rey Manaj
Sivasspor comeback from 2-0!pic.twitter.com/BQdQdo8lh7
— Goals Xtra (@GoalsXtra) October 25, 2024
