Eneo Bitri është kthyer gjatë kësaj jave në protagonist kryesor për skuadrën e Gior në kampionatin hungarez të futbollit. Mbrojtësi shqiptar ishte vendimtar si në lojën në prapavijë, ashtu edhe në atë në sulm për ekipin e tij në fitoren 2-1 në transfertë ndaj ZTE.
Bitri shënoi një gol spektakolar në këtë sfidë, atë të barazimit 1-1, teksa çoi sferën në rrjetë me një roveshatë në zonë.
Ndaj nuk ishte aspak rastësi që mbrojtësi shqiptar mori notën e lartë 8 sipas vlerësimeve statistikore të “SOFASCORE” dhe u rreshtua në formacionin më të mirë të kampionatin hungarez për javën e 10 të tij.
