Paris Saint-Germain ka regjistruar fitoren numër 26 në kampionatin francez dhe e ka bërë këtë duke hedhur në fushë formacionin më të ri në historinë e Ligue 1 që nga sezonin 1990-91 (24 vjeç e 4 muaj).
Trajneri Blanc, duke parë se PSG e ka siguruar titullin 13 marsin e kaluar kur ka mundur 9-0 ekipin e Troyes në transfertë, ka vendosur të lërë pushim pjesën më të madhe të titullarëve për takimin e sotëm kundër Guingamp. Siç dihet, objektivi i “Les Parisens” është Champions League dhe të martën e ardhshme do të luhet çerekfinalja e kthimit në fushën e Manchester City, me sfidën e parë që është mbyllur në barazim 2-2.
Për sa i takon sfidës së stome, gjithçka është vendosur në pjesën e dytë pasi 45 minutat e para janë mbyllur në barazim pa gola. Protagonisti i takimit ka qenë braziliani Lucas Moura, i cili ka realizuar një dygolësh. Fantazisti ka zhbllokuar ndeshjen në minutën e 56-të me një penallti dhe ka fiksuar shifrat në 2-0 në të 71-ën. Parisi kryeson kampionatin francez me 83 pikë, 23 më shumë se vendi i dytë, kur kanë mbetur edhe pesë javë nga përfundimi i Ligue 1.
Guingamp-PSG 0-2
Shënues: Lucas 56’, 71’
Guingamp: Lossl, Jacobsen, Kerbrat, Sorbon, Martins-Pereira, Coco, Diallo (Cardy 81’), Sankhare, Giresse (Blas 62’), Briand, Erding (Dembele 62’). Trajner: Goruvenecc
PSG: Trapp (Sirigu 46’), Van der Wiel, Marquinhos (Rimane 88’), Kimpembe, Kurzawa, Nkunku, Stambouli, Matuidi, Ongenda, Augustin (Metie 91’), Lucas. Trajner: Blanc.
Gjyqtar: Fautrel
Karton i verdhë: Kerbrat
