Pas pak minutash do të luhet ndeshja e kthimit e gjysmëfinales mes Realit të Madridit dhe Bayern Munich, nga ku do të përcaktohet edhe finalisti i parë për finalen e madhe. Në pamje të parë duket se Reali është me një këmbë në finale, por nga ajo që kemi parë në ndeshjet e fundit të këtij kompeticioni asgjë nuk është e sigurt plus përballë
ka Bajernin e Mynihut.
Zidane nuk do të ketë Karvahal edhe Iskon në mesfushë, të dy të dëmtuar në ndeshjen e parë në Mynih. Gjithsesi Zidane ka guxuar duke hedhur në fushë Lukas Vazkez në mbrojtje, ndërkohë që vendin e Iskos e ka zënë Asensio. Në krahun tjetër edhe Bajerni do të ketë shumë mungesa, por trajneri Hejkens i gëzohet rikthimit të David Alabës në mbrojtje.
Sfida e mbrëmjes së sotme mes Realit dhe Bayern Mynih do të jetë e 26 mes tyre në kompeticionet evropiane me spanjollët që kanë 12 fitore kundrejt 11 të bavarezëve, ndërkohë që 2 ndeshje kanë përfunduar në barazim. Në krahun tjetër Bajerni në 13 ndeshjet e fundit të Champions League e kanë pasur të pamundur që të mbajnë portën e paprekur.
