Janë mbyllur rreth orës 18.00 në mbarë vendin qendrat e votimit të ngritura nga Partia Socialiste, për të votuar në referendumin mbi legjitimitetin e kryetarit Edi Rama.
Burime nga selia rozë kanë deklaruar se, pjesëmarrja më e madhe ka qenë në Malësinë e Madhe, me 94.8 %. Konkretisht, sipas burimeve, në Vaun e Dejës pjesëmarrja ishte 93.6%, në Pukë 86.3%, në Has 87.9% dhe në Tropojë 83.8%.
Ndërsa në Lezhë pjesëmarrja ka qenë 76.7 për qind. Nga 1.906 anëtarë votuan 1.525, nga të cilët vota të vlefshme dolën 1511. Sipas të dhënave, 1.468 anëtarë votuan pro, ndërsa 43 kundër.
Blendi Klosi i cili mbërriti pasditen e sotme në Berat, për të parë nga afër proçesin e votimit për referendumin e Partisë Socialiste, në një deklaratë për mediat, Klosi është shprehur se referendumi i sotëm ka dëshmuare dhe një herë se Partia Socialiste është partia më e organizuar në vend.vaotim2
Rezultati i këtij Referendumi, tha Klosi, është spektakolar, pjesëmarrja në të është më e lartë se pjesëmarrja në votimin për delegatët e Kongresit, ku vetëm në njësinë administrative të rrethit të Beratit pjesëmarrja ka kaluar masën 85%.
Nga qyteti i Korçës, zv/kryeminsitri Niko Peleshi tha se konsolidimi i normave demokratike brenda PS-së është akoma më i rëndësishëm sot që PS është në qeverisje.
“Një parti ku pyetet dhe anëtari më i thjeshtë për vendimarrje është një garanci më shumë për qeverisje”, tha ai.
Kryetari i PS-së Tiranës, Saimir Tahiri tha se ky është shembulli më i mirë se si mund të zhvillohet një demokraci brenda partisë për të marrë vendime të mëdha te gjithë bashkë dhe për t’i dhënë drejtimin e duhur edhe Partisë Socialiste.
“Besoj se gjithkush e ka shumë të qartë modelet e ndryshme që përfaqësojmë ne dhe ata që kemi përballë. Këtu vendosin anëtarët e partisë nëpërmjet një referendumi. Ata që kemi përballë, jo referendum që as e imagjinojnë por vendos vetëm njëri. Ne jemi të hapur, transparent, gjithëpërfshirës dhe anëtarësia thotë fjalën e vet. Ata përballë flasin me dhunë dhe me bllokim. Këto janë dy qasje të ndryshme brenda partisë që sigurisht kanë të bëjnë edhe me qasjen në tërësi që kemi ne ndaj qeverisjes dhe ndaj reformave të mëdha që kemi ndërmarrë”, deklaroi Tahiri për mediat.
votimKryetari i Bashkisë së Tiranës, Erion Veliaj, pasi ka hedhur votën e tij në referendumin për rikonfirmimin e kryetarit të Partisë Socialiste Edi Rama, u shpreh për gazetarët se kryeministri Rama ka korrur dy fitore të njëpasnjëshme të cilat përkthehen në reforma. Kryebashkiaku Veliaj ka vlerësuar procesin e referendumit duke u shprehur se është një formë e demokracisë së brendshme në PS.
“Me Edi Ramën do kemi një fitore tjetër që do të përkthehet me më shumë reforma. E vetmja mënyrë për t’iu përgjigjur kritikave është puna. Me punën që është bërë në PS kemi dhënë një përgjigje të mirë kritikave. Një parti demokratike brenda vetes është demokratike edhe në qeverisje. U bëj thirrje anëtarëve që të vijnë të shprehin vullnetin e tyre,” tha Veliaj.
