Një 47-vjeçar në Pukë është arrestuar pasi u kallëzua në prokurorinë e Shkodrës nga një 17-vjeçare. 47-vjeçari përndiqte të miturën në rrugë dhe në rrjetet sociale prej një muaji.
Nga hetimet ka rezultuar se 47-vjeçari ishte me precedent për të njëjtin krim.
“Menjëherë pasi një shtetase 17 vjeçe ka kallëzuar në Prokurorinë e Shkodrës, se përndiqej nga 1 shtetas, prej rreth 1 muaji, në rrugë dhe në rrjete sociale, shërbimet e Komisariatit të Policisë Pukë kanë organizuar punën për lokalizimin dhe arrestimin e autorit.
Si rezultat, për këtë rast u vu në pranga shtetasi Z. P., 47 vjeç, banues në Pukë, për të cilin Gjykata e Shkodrës ka caktuar masën e sigurisë “Arrest në burg”, për veprën penale “Përndjekja”. Nga verifikimet e mëtejshme ka rezultuar se 47-vjeçari ishte shtetas me precedent për të njëjtin krim.”– njofton policia.
Materialet procedurale i kaluan Prokurorisë, për veprime të mëtejshme.
