Futbollistët e Vllaznia B ka kërcënuar me bojkotim të ndeshjes së radhës nëse nuk do të marrin pagat. Ata kanë nisur të protestojnë për shkak se kanë 10 paga që nuk kanë marrë nga Bashkia Shkodër dhe se të gjitha shpenzimet nëpër rrethe i kanë hequr vetë. Mosmarrja e pagave, u ka sosur durimin lojtarëve shkodranë, të cilët kanë nisur dhe protestën, duke bojkotuar seancën stërvitore.
Lojtarët kanë bërë të ditur se gjatë gjithë sezonit kanë luajtur pa u paguar. “Kemi 10 paga pa marrë. Kemi kërkuar disa herë nga drejtuesit, por na kanë thëne se s’ka fonde. Drejtuesit kanë 3 ditë afat, ose të na japin pagat ose bojkotojmë ndeshjen më të rëndësishme të kësaj jave, atë ndaj Tërbunit. Gjithë sezonin e kemi luajtur pa u paguar. Dhe kjo nuk është normale”, – janë shprehur lojtarët.
