Sekretari i Përgjithshëm i PD-së, Flamur Noka, ka reaguar ashpër ndaj presidentit shqiptar, Bajram Begaj pasi ky i fundit iu servilos për një zyrë presidentit turk, Rexhep Taip Erdogan.
Noka shprehet se ‘sot për interesa të sulltan kukudhit, Bajram efendiu iu nënshtrua recitimit të vjershës së diktuar më lart tij’.
Noka shprehet me ironi se shefit të Bajramit i duhet një kullë te Presidenca, prandaj i sheqerosuri e hodhi një fjalë te miku, sulltan edhe ai, i madhërishëm.
“Ja dhe kryetari i shtetit, i cili si në gjuhë dhe qëndrim shfaq një inferioritet të paparë për detyrën që mban. Hija e tij nuk mund të ishte më e madhe se ajo e shefit të gjatë. Sot për interesa të sulltan kukudhit, Bajram efendiu iu nënshtrua recitimit të vjershës së diktuar më lart tij. Shefit të Bajramit i duhet një kullë te Presidenca, prandaj i sheqerosuri e hodhi një fjalë te miku, sulltan edhe ai, i madhërishëm. Presidenti i Republikës është i pari i shtetit apo zëdhënës i kryeministrit? Poshtërim për institucionin e Presidentit të Republikës. Fëlliqje shtetërore.”- shkruan Noka në rrjete sociale.
