Klubi i Laçit ka gjetur trajnerin e ri, që do t’i besohet drejtimi i ekipit. Francesco Moriero do të jetë trajneri i ri i skuadrës së Laçit.
Këtë lajm e ka dhënë gazetari italian Gianluca Di Marzio përmes rrjeteve sociale. Ai bën me dije se Laçi dhe Moriero kanë rënë dakord për kontratë 1-vjeçare plus rinovimi opsional.
#KfLaci, Francesco #Moriero sarà il nuovo allenatore: contratto di un anno con opzione per il rinnovo
— Gianluca Di Marzio (@DiMarzio) October 9, 2024
Ky është një rikthim për 55-vjeçarin në Shqipëri, pasi në sezonin 2020-2021 ka qenë në krye të ekipit të Dinamos. Ndërsa në Itali ka drejtuar skuadra si Lecce, Frosinone apo Crotone.
Laçi mbeti pa trajner pas largimit të Armando Cungut, teksa tashmë ka vendosur që t’ia besojë ekipin Morieros.
