Ilir Binaj është emëruar drejtor i Përgjithshëm i Tatimeve.
Njoftimin për emërimin e Binajt në krye të tatimeve është marrë gjatë mbledhjes së sotme të qeverisë.
Deri tani në këtë post ka qenë drejtoreshë e komanduar, Elidjana Celaj, e cila mori detyrën pas dorëheqjes së Ceni Klosit. Ky i fundit, në qershor të këtij viti u bë zv. ministër në Ministrinë e Infrastrukturës dhe Energjisë.
Njoftimi zyrtar:
Vendime të miratuara në mbledhjen e Këshillit të Ministrave, datë 2 Tetor 2024:
V E N D I M
PËR
EMËRIMIN E DREJTORIT TË PËRGJITHSHËM TË TATIMEVE
Në mbështetje të nenit 100 të Kushtetutës dhe të pikës 2, të nenit 17, të ligjit nr.9920, datë 19.5.2008, “Për procedurat tatimore në Republikën e Shqipërisë”, të ndryshuar, me propozimin e ministrit të Financave, Këshilli i Ministrave
V E N D O S I:
- Ilir Binaj emërohet drejtor i Përgjithshëm i Tatimeve.
Ngarkohen Ministria e Financave dhe Drejtoria e Përgjithshme e Tatimeve për zbatimin e këtij vendimi.
Ky vendim hyn në fuqi menjëherë.
