Nëse jeni të tronditur nga mendimi për të ngrënë insektet, lajmi i keq është se ndoshta tashmë i keni ngrënë shumë herë dhe nuk i keni ditur.
Kjo për shkak se një nga ngjyruesit e ushqimit, pikërisht ngjyruesi i kuq, është i bërë nga insekte të copëtuara.
Insektet e përdorura quhen “cochineal”, dhe gjenden kryesisht në Amerikën Latine ku ata jetojnë tek kaktusi.
Tani të kultivuara kryesisht në Peru, miliona insekte të vogla mblidhen çdo vit për të prodhuar ngjyruesit për ushqim.
Një element kryesor i industrisë ushqimore globale, ngjyruesit përdoren kudo, nga kosi dhe akullorja, tek pijet, ëmbëlsirat si edhe donuts.
Gjithashtu përdoret gjerësisht në industrinë kozmetike dhe gjendet më shumë tek buzëkuq.
Ky ngjyrues përdoret gjerësisht, pasi është i qëndrueshëm, i sigurtë dhe afatgjatë, pasi ngjyra e të cilit është më pak e prekur nga nxehtësia ose drita.
Përkrahësit gjithashtu theksojnë se është një produkt natyral i zbuluar dhe përdorur nga fisi Maja dhe më pas nga Azektët më shumë se pesë shekuj më pare.
Ata pretendojnë se është shumë më e shëndetshme sesa alternativat artificiale si ngjyrosjet ushqimore të bëra nga qymyri ose nënproduktet e naftës.
Por, ata janë të vetëdijshëm se përbërja e tij duhet të shkruhet në etiketat e produkteve si ushqimore edhe kozmetike. Bottom of Form
