Kim Kardashian ka thyer më në fund heshtjen për tradhtinë që Tristan Thompson bëri ndaj motrës së saj, Khloe Kardashian.
“Nuk di si ta përshkruaj, është situatë shumë e dreqosur”, kishtë thënë më parë për ‘Daily Mail’ ylli televiziv për tradhtinë e basketbollistit të NBA.
Duke folur gjatë një interviste për Ellen DeGeneres, Kim u shpreh se motra e saj, e cila është bërë nënë tashmë, po bën “më të mirën e saj”.
“E shkreta Khloe. Ajo është e fortë dhe po bën më të mirën që mundet. Është një situatë me të vërtetë e trishtueshme.”
Kim i zgjodhi me kujdes fjalët e saj, duke vënë në dukje se vajza e re e Khloe një ditë mund të lexojë komentet e saj në të ardhmen.
“Unë e vendosa këtë ‘rregull’ dhe kur vëllai im Rob u nda nga Blac Chyna. Nëse ka një fëmijë të përfshirë unë do të tregohem e kujdesshme dhe të mos flas negativisht. Sepse një ditë True, fëmija e Khloe, do ta shohë komentin tim dhe do jetë një situatë jo komode.”
“Mendoj se të gjithë janë të nevrikosur me Tristan. Një ditë para se ajo të lindte, ai u pa në video duke e tradhtuar motrën time me femra të tjera”, tha Kim.