Raphael Varanë ka varur “këpucët” në gozhdë. Ish mbrojtësi francez i Real Madrid dhe Manchester United, njoftoi tërheqjen nga futbolli, përmes një postimi në rrjetet sociale.
Kampioni i Botës me Francën dhe i shumë trofeve me Real Madridin e Manchester United e ka marrë këtë vendim për shkak të lëndimeve të shumta, duke e konfirmuar në kanalet e tij të komunikimit. Këtë verë mbrojtësi kaloi te Como në Serie A si lojtar i lirë.
Varane u shpreh se ai do të qëndrojë te skuadra e Como por nuk ka zbuluar rolin e ri që do të ketë në ekip.
“Ata thonë se të gjitha gjërat e mira duhet të marrin fund. Në karrierën time kam marrë përsipër shumë sfida, rast pas rasti, pothuajse të gjitha supozohej të ishin të pamundura. Emocione të pabesueshme, momente të veçanta dhe kujtime që do të zgjasin një jetë. Duke reflektuar mbi këto momente, është me krenari të pamasë dhe një ndjenjë përmbushjeje që po shpall tërheqjen time nga loja që të gjithë e duam. Dhe kështu, një jetë e re fillon jashtë fushës. Unë do të qëndroj me Komo. Vetëm pa përdorur këpucët e mia. Diçka për të cilën mezi pres të ndaj më shumë së shpejti”, shkruan Varane në Instagram.
