Alen Sherri është vlerësuar si lojtari më i mirë i ndeshjes Cagliari– Kremonese(1-0), e vlefshme për fazën 1/16 të Kupës së Italisë. “Sofascore” që mbledh të dhënat e lojtarëve gjatë ndeshjes, e vlerëson 7.9 portierin shqiptar të Cagliarit, pikërisht dhe me notën më të lartë.
Në ndeshjen debutuese me Cagliari, Sherri i luajti të gjitha minutat. Pati 31 prekje të topit gjatë kësaj kohe, ndërsa pasimet e sakta ishin 14 nga 20.
Topa të gjatë që u nisën nga Sherri dhe u shfrytëzuan për aksione nga Cagliari u regjistruan 7. 26-vjeçari ndërkohë spikati më së shumti me 5 pritjet e tij ku 2 ishin brenda zonës.
Një tjetër spastrim në zonë ishte meritë e Sherrit, që e nis kështu me këmbën e mbarë pasi klubi i tij është kualifikuar në fazën e 1/16-tave. Vlen për t’u theksuar se Lapadula shënoi në minutën e 60-të për Cagliari në një ndeshje që përgjithësisht u dominua nga vendasit.
Siguria e ish-gardianit të Egnatias në këtë takim me eleminim direkt është pikërisht prezantimi që i nevojitej. Kujtojmë dhe që takimin e radhës Kaljari e luan në Seria A përballë Parmës në transfertë.
