Të gërhiturit është një problem i rastisur shpesh. Të gjithë nga ju njihni të paktën një njeri nga familja apo nga rrethi familjar që gërhet. Disa mund të bëjnë shaka me ju, të tallen për shkak të gërhitjes, por kjo mund të jetë një shenjë e një sëmundjeje serioze e njohur si OSA, gjumë obstruktiv apnes.
Kjo sëmundje është parë dhe analizuar nga specialistët e gjumit dhe nga kjo duhet të mësohet sesi të ndalet gërhitja. Për ato të cilët nuk gërhasin për shkak të kësaj sëmundjeje problemi nuk paraqitet aq serioz dhe për të ndaluar gërhitjen mund të merrni disa masa paraprake.
Gërhitja është zëri që del gjatë frymëmarrjes së personit kur ai është në gjumë. Ky zë dredh qiellzën e lart dhe gjuhën e vogël. Kuptimi i fjalës Apnes është ndalimi i frymëmarrjes. Fatkeqësisht gërhitja shihet më shumë tek burrat se tek gratë.
Pika më e rëndësishme në kurimin e OSA është zgjidhja e disa problemeve të lidhura me kurimin. Nëse doni të hiqni gërhitjen shikoni me kujdes këshillat e mëposhtme:
Shmangni alkoolin dhe duhanin- Të pish para se të flesh të shton më shumë të gërhiturat. Edhe duhani gjithashtu, irriton membranën e hundës dhe fytit, duke bllokuar rrugët e ajrit.
Humbni pak peshë- Nëse jeni pak mbipeshë, atëherë indet e qafës bëhen të rëndë dhe gërhisni më shumë. Duke humbur pak peshë edhe indet e qafës hollohen dhe ndihmojnë në reduktimin e gërhitjes.
Mbajeni dhomën të lagësht- Ajri i thatë nuk ndihmon as hundën e as fytin, kështu që mbajeni dritaren pak të hapur.
Përdorni produkte me mente- Masazhoni pak vaj menteje përreth hundës dhe ju ndihmon të hapni vrimat e hundës për të marrë frymë më mirë.
