Policia bashkiake, me “fuqinë” që ka marrë për të goditur tezgat e thjeshta të qytetarëve, është kapur në një rast flagrant kur ofendojnë dhe dhunojnë një shtetas duke i hedhur mallin që shiste.
Video është regjistruar në Fier, ky shtetasi që tregëtonte disa fshesë, qepë dhe presh është përleshur me dy policë bashkiakë në sy të fëmijës së tij.
Policët i kanë hedhur poshtë mallin e tij dhe duket se kjo e ka acaruar tregtarin, pasi në prani të kësaj situate ishte gruaja dhe djali i tij, i cili ka shpërthyer në lot teksa shinte babain e tij që përleshej me policin bashkiak.
Kolegët e tjerë dhe gruaja e tregtarit kanë ndërhyrë për të qetësuar situatën, por polici i cili mban një celular në dorë i kthehet ashpër tregtarit dhe e dhunon, ndërsa në fund në mënyrë arrogante i flak tej mallin e tij, me të cilin shitësi siguron bukën e gojës.
Një sjellje e pafalshme kjo e ndodhur në qytetin e Fierit, aq më tepër në prani të një fëmijë, që i duhet në këtë moshë të vogël të shikojë babain e tij të dhunohet nga uniformat e policisë, sikur të ishte një “kriminel”, për më tepër shikoni videon që nuk ka nevojë për koment.
https://www.youtube.com/watch?v=8iZ3MMUSmYc
