Flaka Loxha ka arritur një sukses madhështor në karrierën e saj. Xhudistja kosovare ditën e sotme ka fituar medaljen e parë elitare.
Loxha arriti të sigurojë medaljen e bronztë falë fitores me “Ippon” ndaj kroates Tihea Topolovec, në turneun Grand Prix të Parisit.
Flaka arriti deri në gjysmëfinale pa asnjë problem, teksa aty u mposht nga Ana Viktorija Puliz. Ajo garon në kategorinë deri në 57 kilogram.
Kjo medalje i ndihmon asaj që të rritet në ranglistë, gjithashtu të fitojë sa më shumë pikë që të arrijë Olimpiadën e radhës.
Kujtojmë se Lojërat Olimpike të radhës mbahen në Los Angeles në vitin 2028.
