Elbasani nuk kishte në dispozicion Ardit Hilën në ndeshjen e djeshme me Laçin për shkak dëmtimi. Nga dëmtimet verdheblutë kanë vuajtur mungesat në çdo ndeshje në fakt.
Po për dëmtim dje humbën edhe sulmuesin Amarildo Gjoni, i cili u zëvendësua që në pjesën e parë nga Bedri Greca, me këtë të fundit që sapo ishte rikuperuar.
Edhe sulmuesi Ze Gomes e nisi ndeshjen nga stoli, sepse vinte nga dëmtimi, por duke qenë se skuadra nuk po shënonte, trajneri Bordin e hodhi në fushë në pjesën e dytë.
Mbetet të shihet tani se sa do të mungojë Gjoni, që në dy ndeshjet e fundit është aktivizuar si titullar nga trajneri italian. Ndeshja e radhës luhet me Tiranën në kryeqytet.
