Viti i ri shkollor ka nisur ditën e sotme me një kaos total!
Siç shihet edhe në pamjet e mëposhtme të mbërritura në redaksinë e Boldnews.al, është mision i pamundur që rruga nga Universiteti Bujqësor i Tiranës apo Paskuqani deri në Tiranë të përshkohet brenda 3 orëve.
Trafiku i rënduar ka bërë që disa drejtues të fikin makinat në mes të rrugës ndërsa shumë të tjerë vijojnë ti bien borive papushim duke shkaktuar ndotje akustike dhe stres tek drejtuesit e tjerë.
Policia Rrugore, e cila është pozicionuar tek ura e Institutit dhe te Kthesa e Kamzës, më shumë prish punë sesa rregullon duke bërë që trafiku të rëndohet edhe më shumë. Të papërgatitur për një situatë kaq të rënduar dhe pa hartuar më parë një plan masash po shkaktojnë akoma edhe më shumë kaos duke e paralizuar qarkullimin e mjeteve.
Nga ana tjetër janë makinat e tonazhit të rëndë që janë bërë varg njëri pas tjetrit edhe pse kreybashkiaku i mashtrimeve, Erion Veliaj, deklaroi se nga ora 07-00 deri në 09:00 të mëngjesit nuk do të lejohen të qarkullojnë automjete të tonazhit të rëndë, furgonë, apo mjete të tjera transporti.
Siç shihet në realitet ndodh e kundërta pasi mjetet e tonazhit të rëndë shihen ngado ku hedh sytë duke kontribuar në kaosin e krjuar.
