Më 5 maj, në “O2 Arena” të Londrës do të zhvillohet sfida “e kthimit” e peshave të rënda mes dy boksierëve britanikë Tony Bellew dhe David Haye.
Një sfidë që parashikohet e bukur dhe me rivalitet, ashtu si ajo e zhvilluar një vit më parë, me Bellew që fitoi me “KO teknik” në raundin e 11-të.
Triumfin, Bellew synon të arrijë edhe në këtë sfidë të dytë, duke konfirmuar se për të nuk ka “plan B”, por vetëm atë “A”, që është ai i triumfit.
“Unë do të tregoj se suksesi në duelin e parë nuk ishte rastësi, por i merituar. Unë mund të mos jem favorit, ashtu si edhe në përballjen e parë, por kjo gjë nuk më shqetëson. Unë do t’u tregoj atyre që nuk besojnë tek unë se gabojnë. Plani im është vetëm një, që ta fitoj edhe këtë sfidë të dytë me çdo kusht. Unë nuk jam një njeri që do të ngjitem në atë ring për ta humbur duelin. Kjo është diferenca mes mes meje dhe Haye”,
“Unë jam një fitues, jam në formë të shkëlqyer, i karikuar shpirtërisht dhe gati për një tjetër betejë. David po përpiqet t’i bëjë marketing vetes me video e foto, por kjo gjë nuk më shqetëson aspak. Ai mund të ketë mësuar disa stile të reja, por pas 5-6 raundesh do të rikthehet i pari dhe do ta mposht shumë kollaj”,-u shpreh Tony Bellew.
