Një tjetër ngjarje e rëndë ka tronditur vendin, ku një 34-vjeçar dyshohet se i ka dhënë fund jetës në mënyrë tragjike.
Burime bëjnë me dije se viktima është shtetasi Roland Serjani, banues në Delvinë, prind i 3 fëmijëve. Ai është gjetur i varur në portën e Manastirit të fshatit Kostar të Bashkisë Finiq.
Mësohet se ka qenë një banor i zonës, i cili ka konstatuar rreth orës 19:00 trupin e pajetë të varur në derën e brendëshme në oborrin e Manastirit dhe më pas ka njoftuar Policinë.
Viktima ka punuar si efektiv i Policisë së Burgjeve në Paraburgimin e Sarandës. Pas mbylljes së paraburgimit,ai ishte punësuar si shofer në një subjekt privat në Delvinë.
Policia e Sarandës ka nisur hetimet për zbardhjen e plotë të rrethanave të ngjarjes dhe motive që e kanë shtyrë të riun drejt këtij akti ekstrem
