Një aksident i rëndë është regjistruar rreth orës 09:20 të mëngjesit në Rubik, ku një kamion i tonazhit të rëndë ka dalë nga rruga dhe për pasojë ka humbur jetën shoferi. Viktima është shtetasi L. L., 55 vjeç, banues në Laç, punonjës i një firme për nxjerrjen dhe përpunimin e mineraleve.
Sipas autoriteve, gjatë rrugës për te kantieri i firmës, dyshohet se 55-vjeçari ka humbur kontrollin mbi drejtimin e mjetit të tonazhit të rëndë. Si pasojë e daljes së mjetit jashtë rruge, 55-vjeçari ka humbur jetën.
Grupi hetimor dhe shërbimet e Policisë ndodhen në vendin e ngjarjes dhe po kryejnë hetime për zbardhjen e shkakut të aksidentit.
