Kryqyteti grek Athina është mbuluar nga shtullungat e tymit këtë të diel, pas dy zona rreth saj, Varnava dhe Megara janë përfshirë nga zjarre masive.
Flakët kanë marrë përmasa të pakontrollueshme, pasi zjarri ka përfshirë edhe banesat. Siç duket edhe nga pamjet e mëposhtme, Athina duke e pushtuar nga tymi i zi që vjen prej flakëve në rrethina.
Zjarri në Varnava dhe Megara ka bërë që rezidentët e këtyre zonave të evakuohen, teksa në terren janë rreth 190 zjarrfikës, 40 automjete dhe 5 helikopterë. Edhe rajone të tjera pranë Athinës janë në panik prej zjarreve.
Sipas informacioneve të mediave greke, më shumë se 10 banorë janë dashur të nxirren nga banesat e tyre, pasi kanë mbetur të bllokuar nga flakët, e më pas janë transportuar në spital, me probleme në rrugët e frymëmarrjes.
Veç automjeteve private, gjithashtu raportohet se është djegur plotësisht edhe një automjet zjarrfikës, ndërsa janë mbyllur disa akse rrugore që të cojnë në këto zona.
