Drejtoria Arsimore Rajonale në Fier ka marrë vendimin për pezullimin nga detyra të mësueses Juliana Dine që u filmua duke dhunuar me shkop nxënësit.
Ngjarja e rëndë ka ndodhur në shkollën “Sotir Çapo” në Zharrëz të Fierit.
Pas publikimit të videos, ku Juliana Dine shihet duke qëlluar me shpullë dhe shkop fëmijët e moshës 7 deri në 8 vjeç, drejtoria e shkollës fillore mori vendimin për pezullimin e saj nga detyra dhe filloi procedurat për largimin e saj nga puna.
Gjithashtu DAR në Fier ka dërguar një grup të shërbimit psiko-social për të trajtuar dhe ndjekur nga afër gjendjen psiko-sociale të çdo nxënësi të kësaj klase, si edhe për të komunikuar me çdo prind të klasës për të evidentuar nëse ka patur raste të mëparshme dhe të përsëritura dhune fizike ose psikologjike tek nxënësit.
Ngjarja është zbuluar nga emisioni investigativ ‘Fiks Fare’ pas denoncimit të disa prindërve. Përpos dhunës fizike, mësuesja Juliana Dine ka ushtruar edhe shunë psikologjike duke i quajtur fëmjët zhulsa, të palarë, etj.
Më pas ajo i thoshte që nuk duhet ti tregonin asgjë prindërve të tyre mbi atë që ndodhte në klasë.
