Këmbësorët po shndërrohen në një ndër burimet kryesore të aksidenteve në Shqipëri. Mosrespektimi i semaforëve, i vijave të bardha apo ecjet pa kujdes rezultojnë të kenë qenë burimi i shtimit të aksidenteve në tremujorin e parë të këtij viti.
Sipas të dhënave të Institutit të Statistikave, në këtë periudhë janë regjistruar 483 aksidente rrugore, me rënie vjetore 8.9 %.
Në rënie ëhstë edhe numri i të vdekurve nga këto aksidente. Në tremujorin e parë 2018 ka pasur 47 viktima, me rënie 14.5 %, krahasuar me të njëjtën periudhë të një viti më parë.
INSTAT vlerëson se aksidentet rrugore, në 21,6 % të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i aksidenteve sipas sjelljes së këmbësorit është rritur 12.7 %, krahasuar me të njëjtën periudhe të një viti më parë.
