Shefi politik i Hamasit, Ismail Haniyeh, u vra në kryeqytetin iranian të Teheranit të mërkurën duke përdorur një mjet shpërthyes që ishte fshehur javë më parë , thotë një burim i njohur me këtë çështje për median ndërkombëtare CNN.
Bomba u fsheh rreth dy muaj më parë në një shtëpi pranë rezidencës ku Haniyeh dihej se qëndronte dhe shpërtheu nga distanca pasi ai ishte brenda dhomës, njofton burimi, i cili u informua për operacionin.
Qeveria iraniane dhe Hamasi akuzojë Izraelin se kreu atentatin, ndërkohë që Izraeli as e ka konfirmuar e as mohuar përfshirjen e tij.
Media shtetërore iraniane dhe Hamasi treguan më parë se Haniyeh u vra nga një raketë e lëshuar nga jashtë ndërtesës.
Por fakti që bomba u kontrabandua brenda shtëpisë së miqve në një rezidencë, e cila ishte nën mbrojtjen e Gardës Revolucionare Islamike të Iranit, tregon një shkelje befasuese të sigurisë për IRGC-në.
Vdekja e Haniyeh është, si strategjikisht ashtu edhe simbolikisht, një goditje dramatike për Hamasin, duke eliminuar figurën e tij më publike që drejtoi operacionet politike të grupit ndërsa jetonte jashtë shtetit.
Vrasja e tij ngjalli gjithashtu shqetësime për negociatat e ngecura për të arritur një marrëveshje për lirimin e pengjeve dhe një armëpushim në Gaza, ku sulmet izraelite kanë vrarë 39,840 palestinezë.
