Policia ka arrestuar një person në Shijak, i cili akuzohet për zjarrvënie.
Në pranga është vënë shtetasi Myslim Marku, 38 vjeç, banues në fshatin Shetel, i cili akuzohet për veprën penale “Shkatërrimi i pronës me zjarr”.
Ai dyshohet se ka ndezur zjarr, për të djegur disa shkure, dhe si pasojë e përhapjes së flakëve, janë djegur një sipërfaqe toke dhe 1000 pemë ulliri. Ndërhyrja e forcave zjarrfikëse dhe shërbimeve të Policisë, mundësoi neutralizimin e flakëve të zjarrit.
Materialet procedurale i kaluan Prokurorisë së Durrësit, për veprime të mëtejshme.
