Dinamo ka fituar me rezultatin 1-0 miqësoren që ka luajtur kundër klubit të njohur italian, Reggiana që aktualisht militon në Serinë B.
Një ndeshje ku trajneri Mehmeti ka parë në veprim futbollistët e formacionit titullar, por edhe afrimet e fundit në skuadrën kryeqytetase.
Në duelin e luajtur ditën e djeshme, kanë gjetur minuta edhe lojtarë të cilët janë afruar së fundmi si Maliqi, Muzek, Nani, Dibra apo Doçi.
Në fund, diferencën në këtë ndeshje e ka bërë goli i shënuar nga Qardaku, i cili po tregon se po përshtatet shpejt në rreshtimin e ekipit të drejtuar nga Dritan Mehmeti.
