Egnatia do të sfidojë më 25 korrik islandezët e Vikingurit në ndeshjen e parë të turit të dytë në Conference League.
Për këtë sfidë rrogozhinasit nuk do të kenë në dispozicion, Arbin Zejnullain.
Mesfushori tetovar, i cili u ndëshkua me karton të kuq në ndeshjen e parë kundër Borac Banja Luka në Champions, është bërë subjekt i Komisionit të Disiplinës së UEFA-s duke u dënuar me 2 ndeshje pezullim.
25-vjeçari e shleu një ndeshje pezullim në sfidën e kthimit kundër kampionëve të Bosnjës në “Elbasan Arena”, ndërsa do të mungojë në ndeshjen e parë ndaj Vikingurit, që do të luhet në Rejkjavik, kryeqytetin e Islandës.
Një humbje e madhe për Egnatian, që nuk do të ketë pjesë të skuadrës një prej elementëve më të rëndësishëm dhe një prej më të dalluarve në edicionin e fundit ku u shpallën kampionë të Kategorisë Superiore.
Lajmi i mirë është rikthimi i Edison Ndrecës. Anësori i majtë, gjithashtu i ndëshkuar me karton të kuq në Bosnje (dy të verdhë) e ka shlyer pezullimin. Dhe është gati të japë kontributin e tij në takimin e radhës.
Rikthimi i tij gëzon teknikun Tetova, i cili mund të bazohet te shërbimet e “raketës” së krahut në një përballje tepër të rëndësishme. Ndërkohë pjesa tjetër e grupit është e plotë dhe skuadra ka vijuar normalisht stërvitjen.
