Llapi eliminohet nga Europa League, teksa u mund me rezultatin e përgjithshëm1-4 nga polakët e Wisla Krakow.
Me ndeshjen e parë që ishte mbyllur me fitoren 2-0 të polakëve, skuadra e Llapit tentoi që të ndryshonte fatin në takimin e dytë, por pa sukses.
Takimi i cili u luajt sot në stadiumin “Zahir Pajaziti” në Podujevë, përfundoi me rezultatin 1-2.
Miqtë patën mundësinë që të zhbllokonin sfidën në minutën e 16’ me Sukiennicki, por ai gol u anulua për pozicion të parregullt, me pjesën e parë që përfundoi me barazim pa gola.
Ndeshja u zhbllokua në minutën e 58’ me Rodado-n që i dha avantazhin ekipit të Wisla-s.
Vendasit provuan të barazonin dhe ia dolën në minutën e 71’ me Tahirin, që gjeti rrugën drejt rrjetës pas asistit të dhuruar nga Blakqori.
Rezultati i kësaj përballje u vulos në minutën e 90’, me Kiakos që shënoi edhe golin e dytë për polakët.
Pas eliminimit nga Europa League, Llapi kalon në Conference League, ku do të përballet me ekipin e danezëve të Brondby.
