Për atentatin e ndodhur dje në Fier ka folur për ‘’Fax news” dhe një dëshmitar që ka qenë në vendngjarje pak pas shpërthimit.
Banori që njëherësh e kishte njohur edhe më herët Ervin Memon thotë se ata nuk kishin dëgjuar për ndonjë konflikt as të djalit dhe as të familjes. Ai tregon se Policia dhe ambulanca kanë ardhur me vonesë në vendngjarje.
‘’Ishte djalë shumë i mirë, ishte në punën e tija, punonte në frutikulturë. Ka punuar në Greqi dhe ka ardhur këtu tani. Jo, jo, jo nuk kemi dëgjuar konflikte, ishalla shpëtoi. Ç’a dëgjuam ne, dolëm direkt dhe dëgjuam ulërimat, erdhi edhe Policia dhe ambulanca me vonesë”, shprehet dëshmirtari në vendngjarje.
Gjatë natës në Fier kanë mbërritur ekspertë të kriminalistikës nga Tirana, për shkak se ky atentat ka qenë i tipit mafioz dhe i mirëmenduar. Në zonën ku ka ndodhur shpërthimi ka disa biznese, të cilave iu janë sekuestruar kamerat e sigurisë.
Sipas burimeve nga spitali i Fierit, Memo i është nënshtruar një ndërhyrjeje kirurgjikale, po fatmirësisht ndodhet jashtë rrezikut për jetë, pavarësisht plagëve të shumta në fytyrë dhe copave të xhamave që i kanë hyrë në të gjithë trupin.
Memo kishte disa vite që ishte kthyer nga Greqia, ndërsa ishte banor në zonën ku ndodhi shpërthimi. Në Fier ai merrej me vreshtari që i kishte në periferi të qytetit.
